Α΄ Τιμόθεο 3:1
πιστος ο λογος ει τις επισκοπης ορεγεται καλου εργου επιθυμει
Α΄ Τιμόθεο 3:2
δει ουν τον επισκοπον ανεπιλημπτον ειναι μιας γυναικος ανδρα νηφαλιον σωφρονα κοσμιον φιλοξενον διδακτικον
Α΄ Τιμόθεο 3:3
μη παροινον μη πληκτην αλλα επιεικη αμαχον αφιλαργυρον
Α΄ Τιμόθεο 3:4
του ιδιου οικου καλως προισταμενον τεκνα εχοντα εν υποταγη μετα πασης σεμνοτητος
Α΄ Τιμόθεο 3:5
ει δε τις του ιδιου οικου προστηναι ουκ οιδεν πως εκκλησιας θεου επιμελησεται
Α΄ Τιμόθεο 3:6
μη νεοφυτον ινα μη τυφωθεις εις κριμα εμπεση του διαβολου
Α΄ Τιμόθεο 3:7
δει δε και μαρτυριαν καλην εχειν απο των εξωθεν ινα μη εις ονειδισμον εμπεση και παγιδα του διαβολου
Α΄ Τιμόθεο 3:8
διακονους ωσαυτως σεμνους μη διλογους μη οινω πολλω προσεχοντας μη αισχροκερδεις
Α΄ Τιμόθεο 3:9
εχοντας το μυστηριον της πιστεως εν καθαρα συνειδησει
Α΄ Τιμόθεο 3:10
και ουτοι δε δοκιμαζεσθωσαν πρωτον ειτα διακονειτωσαν ανεγκλητοι οντες
Α΄ Τιμόθεο 3:11
γυναικας ωσαυτως σεμνας μη διαβολους νηφαλιους πιστας εν πασιν
Α΄ Τιμόθεο 3:12
διακονοι εστωσαν μιας γυναικος ανδρες τεκνων καλως προισταμενοι και των ιδιων οικων
Α΄ Τιμόθεο 3:13
οι γαρ καλως διακονησαντες βαθμον εαυτοις καλον περιποιουνται και πολλην παρρησιαν εν πιστει τη εν χριστω ιησου
Α΄ Τιμόθεο 3:14
ταυτα σοι γραφω ελπιζων ελθειν [προς σε] εν ταχει
Α΄ Τιμόθεο 3:15
εαν δε βραδυνω ινα ειδης πως δει εν οικω θεου αναστρεφεσθαι ητις εστιν εκκλησια θεου ζωντος στυλος και εδραιωμα της αληθειας
Α΄ Τιμόθεο 3:16
και ομολογουμενως μεγα εστιν το της ευσεβειας μυστηριον ος εφανερωθη εν σαρκι εδικαιωθη εν πνευματι ωφθη αγγελοις εκηρυχθη εν εθνεσιν επιστευθη εν κοσμω ανελημφθη εν δοξη