Β΄ Θεσσαλονικείς 3:1
το λοιπον προσευχεσθε αδελφοι περι ημων ινα ο λογος του κυριου τρεχη και δοξαζηται καθως και προς υμας
Β΄ Θεσσαλονικείς 3:2
και ινα ρυσθωμεν απο των ατοπων και πονηρων ανθρωπων ου γαρ παντων η πιστις
Β΄ Θεσσαλονικείς 3:3
πιστος δε εστιν ο κυριος ος στηριξει υμας και φυλαξει απο του πονηρου
Β΄ Θεσσαλονικείς 3:4
πεποιθαμεν δε εν κυριω εφ υμας οτι α παραγγελλομεν [και] ποιειτε και ποιησετε
Β΄ Θεσσαλονικείς 3:5
ο δε κυριος κατευθυναι υμων τας καρδιας εις την αγαπην του θεου και εις την υπομονην του χριστου
Β΄ Θεσσαλονικείς 3:6
παραγγελλομεν δε υμιν αδελφοι εν ονοματι του κυριου ιησου χριστου στελλεσθαι υμας απο παντος αδελφου ατακτως περιπατουντος και μη κατα την παραδοσιν ην παρελαβετε παρ ημων
Β΄ Θεσσαλονικείς 3:7
αυτοι γαρ οιδατε πως δει μιμεισθαι ημας οτι ουκ ητακτησαμεν εν υμιν
Β΄ Θεσσαλονικείς 3:8
ουδε δωρεαν αρτον εφαγομεν παρα τινος αλλ εν κοπω και μοχθω νυκτος και ημερας εργαζομενοι προς το μη επιβαρησαι τινα υμων
Β΄ Θεσσαλονικείς 3:9
ουχ οτι ουκ εχομεν εξουσιαν αλλ ινα εαυτους τυπον δωμεν υμιν εις το μιμεισθαι ημας
Β΄ Θεσσαλονικείς 3:10
και γαρ οτε ημεν προς υμας τουτο παρηγγελλομεν υμιν οτι ει τις ου θελει εργαζεσθαι μηδε εσθιετω
Β΄ Θεσσαλονικείς 3:11
ακουομεν γαρ τινας περιπατουντας εν υμιν ατακτως μηδεν εργαζομενους αλλα περιεργαζομενους
Β΄ Θεσσαλονικείς 3:12
τοις δε τοιουτοις παραγγελλομεν και παρακαλουμεν εν κυριω ιησου χριστω ινα μετα ησυχιας εργαζομενοι τον εαυτων αρτον εσθιωσιν
Β΄ Θεσσαλονικείς 3:13
υμεις δε αδελφοι μη ενκακησητε καλοποιουντες
Β΄ Θεσσαλονικείς 3:14
ει δε τις ουχ υπακουει τω λογω ημων δια της επιστολης τουτον σημειουσθε μη συναναμιγνυσθαι αυτω ινα εντραπη
Β΄ Θεσσαλονικείς 3:15
και μη ως εχθρον ηγεισθε αλλα νουθετειτε ως αδελφον
Β΄ Θεσσαλονικείς 3:16
αυτος δε ο κυριος της ειρηνης δωη υμιν την ειρηνην δια παντος εν παντι τροπω ο κυριος μετα παντων υμων
Β΄ Θεσσαλονικείς 3:17
ο ασπασμος τη εμη χειρι παυλου ο εστιν σημειον εν παση επιστολη ουτως γραφω
Β΄ Θεσσαλονικείς 3:18
η χαρις του κυριου ημων ιησου χριστου μετα παντων υμων