Φιλιππησίους 4:1
ωστε αδελφοι μου αγαπητοι και επιποθητοι χαρα και στεφανος μου ουτως στηκετε εν κυριω αγαπητοι
Φιλιππησίους 4:2
ευοδιαν παρακαλω και συντυχην παρακαλω το αυτο φρονειν εν κυριω
Φιλιππησίους 4:3
ναι ερωτω και σε γνησιε συζυγε συλλαμβανου αυταις αιτινες εν τω ευαγγελιω συνηθλησαν μοι μετα και κλημεντος και των λοιπων συνεργων μου ων τα ονοματα εν βιβλω ζωης
Φιλιππησίους 4:4
χαιρετε εν κυριω παντοτε παλιν ερω χαιρετε
Φιλιππησίους 4:5
το επιεικες υμων γνωσθητω πασιν ανθρωποις ο κυριος εγγυς
Φιλιππησίους 4:6
μηδεν μεριμνατε αλλ εν παντι τη προσευχη και τη δεησει μετ ευχαριστιας τα αιτηματα υμων γνωριζεσθω προς τον θεον
Φιλιππησίους 4:7
και η ειρηνη του θεου η υπερεχουσα παντα νουν φρουρησει τας καρδιας υμων και τα νοηματα υμων εν χριστω ιησου
Φιλιππησίους 4:8
το λοιπον αδελφοι οσα εστιν αληθη οσα σεμνα οσα δικαια οσα αγνα οσα προσφιλη οσα ευφημα ει τις αρετη και ει τις επαινος ταυτα λογιζεσθε
Φιλιππησίους 4:9
α και εμαθετε και παρελαβετε και ηκουσατε και ειδετε εν εμοι ταυτα πρασσετε και ο θεος της ειρηνης εσται μεθ υμων
Φιλιππησίους 4:10
εχαρην δε εν κυριω μεγαλως οτι ηδη ποτε ανεθαλετε το υπερ εμου φρονειν εφ ω και εφρονειτε ηκαιρεισθε δε
Φιλιππησίους 4:11
ουχ οτι καθ υστερησιν λεγω εγω γαρ εμαθον εν οις ειμι αυταρκης ειναι
Φιλιππησίους 4:12
οιδα και ταπεινουσθαι οιδα και περισσευειν εν παντι και εν πασιν μεμυημαι και χορταζεσθαι και πειναν και περισσευειν και υστερεισθαι
Φιλιππησίους 4:13
παντα ισχυω εν τω ενδυναμουντι με
Φιλιππησίους 4:14
πλην καλως εποιησατε συγκοινωνησαντες μου τη θλιψει
Φιλιππησίους 4:15
οιδατε δε και υμεις φιλιππησιοι οτι εν αρχη του ευαγγελιου οτε εξηλθον απο μακεδονιας ουδεμια μοι εκκλησια εκοινωνησεν εις λογον δοσεως και λημψεως ει μη υμεις μονοι
Φιλιππησίους 4:16
οτι και εν θεσσαλονικη και απαξ και δις εις την χρειαν μοι επεμψατε
Φιλιππησίους 4:17
ουχ οτι επιζητω το δομα αλλα επιζητω τον καρπον τον πλεοναζοντα εις λογον υμων
Φιλιππησίους 4:18
απεχω δε παντα και περισσευω πεπληρωμαι δεξαμενος παρα επαφροδιτου τα παρ υμων οσμην ευωδιας θυσιαν δεκτην ευαρεστον τω θεω
Φιλιππησίους 4:19
ο δε θεος μου πληρωσει πασαν χρειαν υμων κατα το πλουτος αυτου εν δοξη εν χριστω ιησου
Φιλιππησίους 4:20
τω δε θεω και πατρι ημων η δοξα εις τους αιωνας των αιωνων αμην
Φιλιππησίους 4:21
ασπασασθε παντα αγιον εν χριστω ιησου ασπαζονται υμας οι συν εμοι αδελφοι
Φιλιππησίους 4:22
ασπαζονται υμας παντες οι αγιοι μαλιστα δε οι εκ της καισαρος οικιας
Φιλιππησίους 4:23
η χαρις του κυριου ιησου χριστου μετα του πνευματος υμων