Εφεσίους 5:1
γινεσθε ουν μιμηται του θεου ως τεκνα αγαπητα
Εφεσίους 5:2
και περιπατειτε εν αγαπη καθως και ο χριστος ηγαπησεν υμας και παρεδωκεν εαυτον υπερ υμων προσφοραν και θυσιαν τω θεω εις οσμην ευωδιας
Εφεσίους 5:3
πορνεια δε και ακαθαρσια πασα η πλεονεξια μηδε ονομαζεσθω εν υμιν καθως πρεπει αγιοις
Εφεσίους 5:4
και αισχροτης και μωρολογια η ευτραπελια α ουκ ανηκεν αλλα μαλλον ευχαριστια
Εφεσίους 5:5
τουτο γαρ ιστε γινωσκοντες οτι πας πορνος η ακαθαρτος η πλεονεκτης ο εστιν ειδωλολατρης ουκ εχει κληρονομιαν εν τη βασιλεια του χριστου και θεου
Εφεσίους 5:6
μηδεις υμας απατατω κενοις λογοις δια ταυτα γαρ ερχεται η οργη του θεου επι τους υιους της απειθειας
Εφεσίους 5:7
μη ουν γινεσθε συμμετοχοι αυτων
Εφεσίους 5:8
ητε γαρ ποτε σκοτος νυν δε φως εν κυριω ως τεκνα φωτος περιπατειτε
Εφεσίους 5:9
ο γαρ καρπος του φωτος εν παση αγαθωσυνη και δικαιοσυνη και αληθεια
Εφεσίους 5:10
δοκιμαζοντες τι εστιν ευαρεστον τω κυριω
Εφεσίους 5:11
και μη συγκοινωνειτε τοις εργοις τοις ακαρποις του σκοτους μαλλον δε και ελεγχετε
Εφεσίους 5:12
τα γαρ κρυφη γινομενα υπ αυτων αισχρον εστιν και λεγειν
Εφεσίους 5:13
τα δε παντα ελεγχομενα υπο του φωτος φανερουται παν γαρ το φανερουμενον φως εστιν
Εφεσίους 5:14
διο λεγει εγειρε ο καθευδων και αναστα εκ των νεκρων και επιφαυσει σοι ο χριστος
Εφεσίους 5:15
βλεπετε ουν ακριβως πως περιπατειτε μη ως ασοφοι αλλ ως σοφοι
Εφεσίους 5:16
εξαγοραζομενοι τον καιρον οτι αι ημεραι πονηραι εισιν
Εφεσίους 5:17
δια τουτο μη γινεσθε αφρονες αλλα συνιετε τι το θελημα του κυριου
Εφεσίους 5:18
και μη μεθυσκεσθε οινω εν ω εστιν ασωτια αλλα πληρουσθε εν πνευματι
Εφεσίους 5:19
λαλουντες εαυτοις ψαλμοις και υμνοις και ωδαις πνευματικαις αδοντες και ψαλλοντες τη καρδια υμων τω κυριω
Εφεσίους 5:20
ευχαριστουντες παντοτε υπερ παντων εν ονοματι του κυριου ημων ιησου χριστου τω θεω και πατρι
Εφεσίους 5:21
υποτασσομενοι αλληλοις εν φοβω χριστου
Εφεσίους 5:22
αι γυναικες τοις ιδιοις ανδρασιν ως τω κυριω
Εφεσίους 5:23
οτι ανηρ εστιν κεφαλη της γυναικος ως και ο χριστος κεφαλη της εκκλησιας αυτος σωτηρ του σωματος
Εφεσίους 5:24
αλλα ως η εκκλησια υποτασσεται τω χριστω ουτως και αι γυναικες τοις ανδρασιν εν παντι
Εφεσίους 5:25
οι ανδρες αγαπατε τας γυναικας καθως και ο χριστος ηγαπησεν την εκκλησιαν και εαυτον παρεδωκεν υπερ αυτης
Εφεσίους 5:26
ινα αυτην αγιαση καθαρισας τω λουτρω του υδατος εν ρηματι
Εφεσίους 5:27
ινα παραστηση αυτος εαυτω ενδοξον την εκκλησιαν μη εχουσαν σπιλον η ρυτιδα η τι των τοιουτων αλλ ινα η αγια και αμωμος
Εφεσίους 5:28
ουτως οφειλουσιν [και] οι ανδρες αγαπαν τας εαυτων γυναικας ως τα εαυτων σωματα ο αγαπων την εαυτου γυναικα εαυτον αγαπα
Εφεσίους 5:29
ουδεις γαρ ποτε την εαυτου σαρκα εμισησεν αλλα εκτρεφει και θαλπει αυτην καθως και ο χριστος την εκκλησιαν
Εφεσίους 5:30
οτι μελη εσμεν του σωματος αυτου
Εφεσίους 5:31
αντι τουτου καταλειψει ανθρωπος [τον] πατερα και [την] μητερα και προσκολληθησεται προς την γυναικα αυτου και εσονται οι δυο εις σαρκα μιαν
Εφεσίους 5:32
το μυστηριον τουτο μεγα εστιν εγω δε λεγω εις χριστον και [εις] την εκκλησιαν
Εφεσίους 5:33
πλην και υμεις οι καθ ενα εκαστος την εαυτου γυναικα ουτως αγαπατω ως εαυτον η δε γυνη ινα φοβηται τον ανδρα