Γαλάτες 5:1
τη ελευθερια ημας χριστος ηλευθερωσεν στηκετε ουν και μη παλιν ζυγω δουλειας ενεχεσθε
Γαλάτες 5:2
ιδε εγω παυλος λεγω υμιν οτι εαν περιτεμνησθε χριστος υμας ουδεν ωφελησει
Γαλάτες 5:3
μαρτυρομαι δε παλιν παντι ανθρωπω περιτεμνομενω οτι οφειλετης εστιν ολον τον νομον ποιησαι
Γαλάτες 5:4
κατηργηθητε απο χριστου οιτινες εν νομω δικαιουσθε της χαριτος εξεπεσατε
Γαλάτες 5:5
ημεις γαρ πνευματι εκ πιστεως ελπιδα δικαιοσυνης απεκδεχομεθα
Γαλάτες 5:6
εν γαρ χριστω [ιησου] ουτε περιτομη τι ισχυει ουτε ακροβυστια αλλα πιστις δι αγαπης ενεργουμενη
Γαλάτες 5:7
ετρεχετε καλως τις υμας ενεκοψεν αληθεια μη πειθεσθαι
Γαλάτες 5:8
η πεισμονη ουκ εκ του καλουντος υμας
Γαλάτες 5:9
μικρα ζυμη ολον το φυραμα ζυμοι
Γαλάτες 5:10
εγω πεποιθα εις υμας εν κυριω οτι ουδεν αλλο φρονησετε ο δε ταρασσων υμας βαστασει το κριμα οστις εαν η
Γαλάτες 5:11
εγω δε αδελφοι ει περιτομην ετι κηρυσσω τι ετι διωκομαι αρα κατηργηται το σκανδαλον του σταυρου
Γαλάτες 5:12
οφελον και αποκοψονται οι αναστατουντες υμας
Γαλάτες 5:13
υμεις γαρ επ ελευθερια εκληθητε αδελφοι μονον μη την ελευθεριαν εις αφορμην τη σαρκι αλλα δια της αγαπης δουλευετε αλληλοις
Γαλάτες 5:14
ο γαρ πας νομος εν ενι λογω πεπληρωται εν τω αγαπησεις τον πλησιον σου ως σεαυτον
Γαλάτες 5:15
ει δε αλληλους δακνετε και κατεσθιετε βλεπετε μη υπ αλληλων αναλωθητε
Γαλάτες 5:16
λεγω δε πνευματι περιπατειτε και επιθυμιαν σαρκος ου μη τελεσητε
Γαλάτες 5:17
η γαρ σαρξ επιθυμει κατα του πνευματος το δε πνευμα κατα της σαρκος ταυτα γαρ αλληλοις αντικειται ινα μη α εαν θελητε ταυτα ποιητε
Γαλάτες 5:18
ει δε πνευματι αγεσθε ουκ εστε υπο νομον
Γαλάτες 5:19
φανερα δε εστιν τα εργα της σαρκος ατινα εστιν πορνεια ακαθαρσια ασελγεια
Γαλάτες 5:20
ειδωλολατρια φαρμακεια εχθραι ερις ζηλος θυμοι εριθειαι διχοστασιαι αιρεσεις
Γαλάτες 5:21
φθονοι μεθαι κωμοι και τα ομοια τουτοις α προλεγω υμιν καθως προειπον οτι οι τα τοιαυτα πρασσοντες βασιλειαν θεου ου κληρονομησουσιν
Γαλάτες 5:22
ο δε καρπος του πνευματος εστιν αγαπη χαρα ειρηνη μακροθυμια χρηστοτης αγαθωσυνη πιστις
Γαλάτες 5:23
πραυτης εγκρατεια κατα των τοιουτων ουκ εστιν νομος
Γαλάτες 5:24
οι δε του χριστου ιησου την σαρκα εσταυρωσαν συν τοις παθημασιν και ταις επιθυμιαις
Γαλάτες 5:25
ει ζωμεν πνευματι πνευματι και στοιχωμεν
Γαλάτες 5:26
μη γινωμεθα κενοδοξοι αλληλους προκαλουμενοι αλληλοις φθονουντες