Γαλάτες 4:1
λεγω δε εφ οσον χρονον ο κληρονομος νηπιος εστιν ουδεν διαφερει δουλου κυριος παντων ων
Γαλάτες 4:2
αλλα υπο επιτροπους εστιν και οικονομους αχρι της προθεσμιας του πατρος
Γαλάτες 4:3
ουτως και ημεις οτε ημεν νηπιοι υπο τα στοιχεια του κοσμου ημεθα δεδουλωμενοι
Γαλάτες 4:4
οτε δε ηλθεν το πληρωμα του χρονου εξαπεστειλεν ο θεος τον υιον αυτου γενομενον εκ γυναικος γενομενον υπο νομον
Γαλάτες 4:5
ινα τους υπο νομον εξαγοραση ινα την υιοθεσιαν απολαβωμεν
Γαλάτες 4:6
οτι δε εστε υιοι εξαπεστειλεν ο θεος το πνευμα του υιου αυτου εις τας καρδιας ημων κραζον αββα ο πατηρ
Γαλάτες 4:7
ωστε ουκετι ει δουλος αλλα υιος ει δε υιος και κληρονομος δια θεου
Γαλάτες 4:8
αλλα τοτε μεν ουκ ειδοτες θεον εδουλευσατε τοις φυσει μη ουσιν θεοις
Γαλάτες 4:9
νυν δε γνοντες θεον μαλλον δε γνωσθεντες υπο θεου πως επιστρεφετε παλιν επι τα ασθενη και πτωχα στοιχεια οις παλιν ανωθεν δουλευσαι θελετε
Γαλάτες 4:10
ημερας παρατηρεισθε και μηνας και καιρους και ενιαυτους
Γαλάτες 4:11
φοβουμαι υμας μη πως εικη κεκοπιακα εις υμας
Γαλάτες 4:12
γινεσθε ως εγω οτι καγω ως υμεις αδελφοι δεομαι υμων ουδεν με ηδικησατε
Γαλάτες 4:13
οιδατε δε οτι δι ασθενειαν της σαρκος ευηγγελισαμην υμιν το προτερον
Γαλάτες 4:14
και τον πειρασμον υμων εν τη σαρκι μου ουκ εξουθενησατε ουδε εξεπτυσατε αλλα ως αγγελον θεου εδεξασθε με ως χριστον ιησουν
Γαλάτες 4:15
που ουν ο μακαρισμος υμων μαρτυρω γαρ υμιν οτι ει δυνατον τους οφθαλμους υμων εξορυξαντες εδωκατε μοι
Γαλάτες 4:16
ωστε εχθρος υμων γεγονα αληθευων υμιν
Γαλάτες 4:17
ζηλουσιν υμας ου καλως αλλα εκκλεισαι υμας θελουσιν ινα αυτους ζηλουτε
Γαλάτες 4:18
καλον δε ζηλουσθαι εν καλω παντοτε και μη μονον εν τω παρειναι με προς υμας
Γαλάτες 4:19
τεκνια μου ους παλιν ωδινω μεχρι ου μορφωθη χριστος εν υμιν
Γαλάτες 4:20
ηθελον δε παρειναι προς υμας αρτι και αλλαξαι την φωνην μου οτι απορουμαι εν υμιν
Γαλάτες 4:21
λεγετε μοι οι υπο νομον θελοντες ειναι τον νομον ουκ ακουετε
Γαλάτες 4:22
γεγραπται γαρ οτι αβρααμ δυο υιους εσχεν ενα εκ της παιδισκης και ενα εκ της ελευθερας
Γαλάτες 4:23
αλλ ο [μεν] εκ της παιδισκης κατα σαρκα γεγεννηται ο δε εκ της ελευθερας δι επαγγελιας
Γαλάτες 4:24
ατινα εστιν αλληγορουμενα αυται γαρ εισιν δυο διαθηκαι μια μεν απο ορους σινα εις δουλειαν γεννωσα ητις εστιν αγαρ
Γαλάτες 4:25
το δε αγαρ σινα ορος εστιν εν τη αραβια συστοιχει δε τη νυν ιερουσαλημ δουλευει γαρ μετα των τεκνων αυτης
Γαλάτες 4:26
η δε ανω ιερουσαλημ ελευθερα εστιν ητις εστιν μητηρ ημων
Γαλάτες 4:27
γεγραπται γαρ ευφρανθητι στειρα η ου τικτουσα ρηξον και βοησον η ουκ ωδινουσα οτι πολλα τα τεκνα της ερημου μαλλον η της εχουσης τον ανδρα
Γαλάτες 4:28
ημεις δε αδελφοι κατα ισαακ επαγγελιας τεκνα εσμεν
Γαλάτες 4:29
αλλ ωσπερ τοτε ο κατα σαρκα γεννηθεις εδιωκεν τον κατα πνευμα ουτως και νυν
Γαλάτες 4:30
αλλα τι λεγει η γραφη εκβαλε την παιδισκην και τον υιον αυτης ου γαρ μη κληρονομησει ο υιος της παιδισκης μετα του υιου της ελευθερας
Γαλάτες 4:31
διο αδελφοι ουκ εσμεν παιδισκης τεκνα αλλα της ελευθερας