Λουκάς 21:1
αναβλεψας δε ειδεν τους βαλλοντας εις το γαζοφυλακιον τα δωρα αυτων πλουσιους
Λουκάς 21:2
ειδεν δε τινα χηραν πενιχραν βαλλουσαν εκει λεπτα δυο
Λουκάς 21:3
και ειπεν αληθως λεγω υμιν οτι η χηρα αυτη η πτωχη πλειον παντων εβαλεν
Λουκάς 21:4
παντες γαρ ουτοι εκ του περισσευοντος αυτοις εβαλον εις τα δωρα αυτη δε εκ του υστερηματος αυτης παντα τον βιον ον ειχεν εβαλεν
Λουκάς 21:5
και τινων λεγοντων περι του ιερου οτι λιθοις καλοις και αναθημασιν κεκοσμηται ειπεν
Λουκάς 21:6
ταυτα α θεωρειτε ελευσονται ημεραι εν αις ουκ αφεθησεται λιθος επι λιθω ωδε ος ου καταλυθησεται
Λουκάς 21:7
επηρωτησαν δε αυτον λεγοντες διδασκαλε ποτε ουν ταυτα εσται και τι το σημειον οταν μελλη ταυτα γινεσθαι
Λουκάς 21:8
ο δε ειπεν βλεπετε μη πλανηθητε πολλοι γαρ ελευσονται επι τω ονοματι μου λεγοντες εγω ειμι και ο καιρος ηγγικεν μη πορευθητε οπισω αυτων
Λουκάς 21:9
οταν δε ακουσητε πολεμους και ακαταστασιας μη πτοηθητε δει γαρ ταυτα γενεσθαι πρωτον αλλ ουκ ευθεως το τελος
Λουκάς 21:10
τοτε ελεγεν αυτοις εγερθησεται εθνος επ εθνος και βασιλεια επι βασιλειαν
Λουκάς 21:11
σεισμοι τε μεγαλοι και κατα τοπους λοιμοι και λιμοι εσονται φοβηθρα τε και απ ουρανου σημεια μεγαλα εσται
Λουκάς 21:12
προ δε τουτων παντων επιβαλουσιν εφ υμας τας χειρας αυτων και διωξουσιν παραδιδοντες εις τας συναγωγας και φυλακας απαγομενους επι βασιλεις και ηγεμονας ενεκεν του ονοματος μου
Λουκάς 21:13
αποβησεται υμιν εις μαρτυριον
Λουκάς 21:14
θετε ουν εν ταις καρδιαις υμων μη προμελεταν απολογηθηναι
Λουκάς 21:15
εγω γαρ δωσω υμιν στομα και σοφιαν η ου δυνησονται αντιστηναι η αντειπειν απαντες οι αντικειμενοι υμιν
Λουκάς 21:16
παραδοθησεσθε δε και υπο γονεων και αδελφων και συγγενων και φιλων και θανατωσουσιν εξ υμων
Λουκάς 21:17
και εσεσθε μισουμενοι υπο παντων δια το ονομα μου
Λουκάς 21:18
και θριξ εκ της κεφαλης υμων ου μη αποληται
Λουκάς 21:19
εν τη υπομονη υμων κτησεσθε τας ψυχας υμων
Λουκάς 21:20
οταν δε ιδητε κυκλουμενην υπο στρατοπεδων ιερουσαλημ τοτε γνωτε οτι ηγγικεν η ερημωσις αυτης
Λουκάς 21:21
τοτε οι εν τη ιουδαια φευγετωσαν εις τα ορη και οι εν μεσω αυτης εκχωρειτωσαν και οι εν ταις χωραις μη εισερχεσθωσαν εις αυτην
Λουκάς 21:22
οτι ημεραι εκδικησεως αυται εισιν του πλησθηναι παντα τα γεγραμμενα
Λουκάς 21:23
ουαι ταις εν γαστρι εχουσαις και ταις θηλαζουσαις εν εκειναις ταις ημεραις εσται γαρ αναγκη μεγαλη επι της γης και οργη τω λαω τουτω
Λουκάς 21:24
και πεσουνται στοματι μαχαιρης και αιχμαλωτισθησονται εις τα εθνη παντα και ιερουσαλημ εσται πατουμενη υπο εθνων αχρι ου πληρωθωσιν [και εσονται] καιροι εθνων
Λουκάς 21:25
και εσονται σημεια εν ηλιω και σεληνη και αστροις και επι της γης συνοχη εθνων εν αποριαηχους θαλασσης και σαλου
Λουκάς 21:26
αποψυχοντων ανθρωπων απο φοβου και προσδοκιας των επερχομενων τη οικουμενη αι γαρ δυναμεις των ουρανων σαλευθησονται
Λουκάς 21:27
και τοτε οψονται τον υιον του ανθρωπου ερχομενον εν νεφελη μετα δυναμεως και δοξης πολλης
Λουκάς 21:28
αρχομενων δε τουτων γινεσθαι ανακυψατε και επαρατε τας κεφαλας υμων διοτι εγγιζει η απολυτρωσις υμων
Λουκάς 21:29
και ειπεν παραβολην αυτοις ιδετε την συκην και παντα τα δενδρα
Λουκάς 21:30
οταν προβαλωσιν ηδη βλεποντες αφ εαυτων γινωσκετε οτι ηδη εγγυς το θερος εστιν
Λουκάς 21:31
ουτως και υμεις οταν ιδητε ταυτα γινομενα γινωσκετε οτι εγγυς εστιν η βασιλεια του θεου
Λουκάς 21:32
αμην λεγω υμιν οτι ου μη παρελθη η γενεα αυτη εως [αν] παντα γενηται
Λουκάς 21:33
ο ουρανος και η γη παρελευσονται οι δε λογοι μου ου μη παρελευσονται
Λουκάς 21:34
προσεχετε δε εαυτοις μηποτε βαρηθωσιν αι καρδιαι υμων εν κρεπαλη και μεθη και μεριμναις βιωτικαις και επιστη εφ υμας εφνιδιος η ημερα εκεινη
Λουκάς 21:35
ως παγις επεισελευσεται γαρ επι παντας τους καθημενους επι προσωπον πασης της γης
Λουκάς 21:36
αγρυπνειτε δε εν παντι καιρω δεομενοι ινα κατισχυσητε εκφυγειν ταυτα παντα τα μελλοντα γινεσθαι και σταθηναι εμπροσθεν του υιου του ανθρωπου
Λουκάς 21:37
ην δε τας ημερας εν τω ιερω διδασκων τας δε νυκτας εξερχομενος ηυλιζετο εις το ορος το καλουμενον ελαιων
Λουκάς 21:38
και πας ο λαος ωρθριζεν προς αυτον εν τω ιερω ακουειν αυτου