Ματθαίος 22:1
και αποκριθεις ο ιησους παλιν ειπεν εν παραβολαις αυτοις λεγων
Ματθαίος 22:2
ωμοιωθη η βασιλεια των ουρανων ανθρωπω βασιλει οστις εποιησεν γαμους τω υιω αυτου
Ματθαίος 22:3
και απεστειλεν τους δουλους αυτου καλεσαι τους κεκλημενους εις τους γαμους και ουκ ηθελον ελθειν
Ματθαίος 22:4
παλιν απεστειλεν αλλους δουλους λεγων ειπατε τοις κεκλημενοις ιδου το αριστον μου ητοιμακα οι ταυροι μου και τα σιτιστα τεθυμενα και παντα ετοιμα δευτε εις τους γαμους
Ματθαίος 22:5
οι δε αμελησαντες απηλθον ος μεν εις τον ιδιον αγρον ος δε επι την εμποριαν αυτου
Ματθαίος 22:6
οι δε λοιποι κρατησαντες τους δουλους αυτου υβρισαν και απεκτειναν
Ματθαίος 22:7
ο δε βασιλευς ωργισθη και πεμψας τα στρατευματα αυτου απωλεσεν τους φονεις εκεινους και την πολιν αυτων ενεπρησεν
Ματθαίος 22:8
τοτε λεγει τοις δουλοις αυτου ο μεν γαμος ετοιμος εστιν οι δε κεκλημενοι ουκ ησαν αξιοι
Ματθαίος 22:9
πορευεσθε ουν επι τας διεξοδους των οδων και οσους εαν ευρητε καλεσατε εις τους γαμους
Ματθαίος 22:10
και εξελθοντες οι δουλοι εκεινοι εις τας οδους συνηγαγον παντας ους ευρον πονηρους τε και αγαθους και επλησθη ο νυμφων ανακειμενων
Ματθαίος 22:11
εισελθων δε ο βασιλευς θεασασθαι τους ανακειμενους ειδεν εκει ανθρωπον ουκ ενδεδυμενον ενδυμα γαμου
Ματθαίος 22:12
και λεγει αυτω εταιρε πως εισηλθες ωδε μη εχων ενδυμα γαμου ο δε εφιμωθη
Ματθαίος 22:13
τοτε ο βασιλευς ειπεν τοις διακονοις δησαντες αυτου ποδας και χειρας εκβαλετε αυτον εις το σκοτος το εξωτερον εκει εσται ο κλαυθμος και ο βρυγμος των οδοντων
Ματθαίος 22:14
πολλοι γαρ εισιν κλητοι ολιγοι δε εκλεκτοι
Ματθαίος 22:15
τοτε πορευθεντες οι φαρισαιοι συμβουλιον ελαβον οπως αυτον παγιδευσωσιν εν λογω
Ματθαίος 22:16
και αποστελλουσιν αυτω τους μαθητας αυτων μετα των ηρωδιανων λεγοντας διδασκαλε οιδαμεν οτι αληθης ει και την οδον του θεου εν αληθεια διδασκεις και ου μελει σοι περι ουδενος ου γαρ βλεπεις εις προσωπον ανθρωπων
Ματθαίος 22:17
ειπον ουν ημιν τι σοι δοκει εξεστιν δουναι κηνσον καισαρι η ου
Ματθαίος 22:18
γνους δε ο ιησους την πονηριαν αυτων ειπεν τι με πειραζετε υποκριται
Ματθαίος 22:19
επιδειξατε μοι το νομισμα του κηνσου οι δε προσηνεγκαν αυτω δηναριον
Ματθαίος 22:20
και λεγει αυτοις τινος η εικων αυτη και η επιγραφη
Ματθαίος 22:21
λεγουσιν καισαρος τοτε λεγει αυτοις αποδοτε ουν τα καισαρος καισαρι και τα του θεου τω θεω
Ματθαίος 22:22
και ακουσαντες εθαυμασαν και αφεντες αυτον απηλθαν
Ματθαίος 22:23
εν εκεινη τη ημερα προσηλθον αυτω σαδδουκαιοι λεγοντες μη ειναι αναστασιν και επηρωτησαν αυτον
Ματθαίος 22:24
λεγοντες διδασκαλε μωυσης ειπεν εαν τις αποθανη μη εχων τεκνα επιγαμβρευσει ο αδελφος αυτου την γυναικα αυτου και αναστησει σπερμα τω αδελφω αυτου
Ματθαίος 22:25
ησαν δε παρ ημιν επτα αδελφοι και ο πρωτος γημας ετελευτησεν και μη εχων σπερμα αφηκεν την γυναικα αυτου τω αδελφω αυτου
Ματθαίος 22:26
ομοιως και ο δευτερος και ο τριτος εως των επτα
Ματθαίος 22:27
υστερον δε παντων απεθανεν η γυνη
Ματθαίος 22:28
εν τη αναστασει ουν τινος των επτα εσται γυνη παντες γαρ εσχον αυτην
Ματθαίος 22:29
αποκριθεις δε ο ιησους ειπεν αυτοις πλανασθε μη ειδοτες τας γραφας μηδε την δυναμιν του θεου
Ματθαίος 22:30
εν γαρ τη αναστασει ουτε γαμουσιν ουτε γαμιζονται αλλ ως αγγελοι εν τω ουρανω εισιν
Ματθαίος 22:31
περι δε της αναστασεως των νεκρων ουκ ανεγνωτε το ρηθεν υμιν υπο του θεου λεγοντος
Ματθαίος 22:32
εγω ειμι ο θεος αβρααμ και ο θεος ισαακ και ο θεος ιακωβ ουκ εστιν [ο] θεος νεκρων αλλα ζωντων
Ματθαίος 22:33
και ακουσαντες οι οχλοι εξεπλησσοντο επι τη διδαχη αυτου
Ματθαίος 22:34
οι δε φαρισαιοι ακουσαντες οτι εφιμωσεν τους σαδδουκαιους συνηχθησαν επι το αυτο
Ματθαίος 22:35
και επηρωτησεν εις εξ αυτων νομικος πειραζων αυτον
Ματθαίος 22:36
διδασκαλε ποια εντολη μεγαλη εν τω νομω
Ματθαίος 22:37
ο δε εφη αυτω αγαπησεις κυριον τον θεον σου εν ολη καρδια σου και εν ολη τη ψυχη σου και εν ολη τη διανοια σου
Ματθαίος 22:38
αυτη εστιν η μεγαλη και πρωτη εντολη
Ματθαίος 22:39
δευτερα ομοια αυτη αγαπησεις τον πλησιον σου ως σεαυτον
Ματθαίος 22:40
εν ταυταις ταις δυσιν εντολαις ολος ο νομος κρεμαται και οι προφηται
Ματθαίος 22:41
συνηγμενων δε των φαρισαιων επηρωτησεν αυτους ο ιησους
Ματθαίος 22:42
λεγων τι υμιν δοκει περι του χριστου τινος υιος εστιν λεγουσιν αυτω του δαυιδ
Ματθαίος 22:43
λεγει αυτοις πως ουν δαυιδ εν πνευματι καλει αυτον κυριον λεγων
Ματθαίος 22:44
ειπεν κυριος τω κυριω μου καθου εκ δεξιων μου εως αν θω τους εχθρους σου υποκατω των ποδων σου
Ματθαίος 22:45
ει ουν δαυιδ καλει αυτον κυριον πως υιος αυτου εστιν
Ματθαίος 22:46
και ουδεις εδυνατο αποκριθηναι αυτω λογον ουδε ετολμησεν τις απ εκεινης της ημερας επερωτησαι αυτον ουκετι