Α΄ Τιμόθεο 5:1
πρεσβυτερω μη επιπληξης αλλα παρακαλει ως πατερα νεωτερους ως αδελφους
Α΄ Τιμόθεο 5:2
πρεσβυτερας ως μητερας νεωτερας ως αδελφας εν παση αγνεια
Α΄ Τιμόθεο 5:3
χηρας τιμα τας οντως χηρας
Α΄ Τιμόθεο 5:4
ει δε τις χηρα τεκνα η εκγονα εχει μανθανετωσαν πρωτον τον ιδιον οικον ευσεβειν και αμοιβας αποδιδοναι τοις προγονοις τουτο γαρ εστιν καλον και αποδεκτον ενωπιον του θεου
Α΄ Τιμόθεο 5:5
η δε οντως χηρα και μεμονωμενη ηλπικεν επι τον θεον και προσμενει ταις δεησεσιν και ταις προσευχαις νυκτος και ημερας
Α΄ Τιμόθεο 5:6
η δε σπαταλωσα ζωσα τεθνηκεν
Α΄ Τιμόθεο 5:7
και ταυτα παραγγελλε ινα ανεπιληπτοι ωσιν
Α΄ Τιμόθεο 5:8
ει δε τις των ιδιων και μαλιστα των οικειων ου προνοει την πιστιν ηρνηται και εστιν απιστου χειρων
Α΄ Τιμόθεο 5:9
χηρα καταλεγεσθω μη ελαττον ετων εξηκοντα γεγονυια ενος ανδρος γυνη
Α΄ Τιμόθεο 5:10
εν εργοις καλοις μαρτυρουμενη ει ετεκνοτροφησεν ει εξενοδοχησεν ει αγιων ποδας ενιψεν ει θλιβομενοις επηρκεσεν ει παντι εργω αγαθω επηκολουθησεν
Α΄ Τιμόθεο 5:11
νεωτερας δε χηρας παραιτου οταν γαρ καταστρηνιασωσιν του χριστου γαμειν θελουσιν
Α΄ Τιμόθεο 5:12
εχουσαι κριμα οτι την πρωτην πιστιν ηθετησαν
Α΄ Τιμόθεο 5:13
αμα δε και αργαι μανθανουσιν περιερχομεναι τας οικιας ου μονον δε αργαι αλλα και φλυαροι και περιεργοι λαλουσαι τα μη δεοντα
Α΄ Τιμόθεο 5:14
βουλομαι ουν νεωτερας γαμειν τεκνογονειν οικοδεσποτειν μηδεμιαν αφορμην διδοναι τω αντικειμενω λοιδοριας χαριν
Α΄ Τιμόθεο 5:15
ηδη γαρ τινες εξετραπησαν οπισω του σατανα
Α΄ Τιμόθεο 5:16
ει τις πιστος η πιστη εχει χηρας επαρκειτω αυταις και μη βαρεισθω η εκκλησια ινα ταις οντως χηραις επαρκεση
Α΄ Τιμόθεο 5:17
οι καλως προεστωτες πρεσβυτεροι διπλης τιμης αξιουσθωσαν μαλιστα οι κοπιωντες εν λογω και διδασκαλια
Α΄ Τιμόθεο 5:18
λεγει γαρ η γραφη βουν αλοωντα ου φιμωσεις και αξιος ο εργατης του μισθου αυτου
Α΄ Τιμόθεο 5:19
κατα πρεσβυτερου κατηγοριαν μη παραδεχου εκτος ει μη επι δυο η τριων μαρτυρων
Α΄ Τιμόθεο 5:20
τους αμαρτανοντας ενωπιον παντων ελεγχε ινα και οι λοιποι φοβον εχωσιν
Α΄ Τιμόθεο 5:21
διαμαρτυρομαι ενωπιον του θεου και κυριου ιησου χριστου και των εκλεκτων αγγελων ινα ταυτα φυλαξης χωρις προκριματος μηδεν ποιων κατα προσκλισιν
Α΄ Τιμόθεο 5:22
χειρας ταχεως μηδενι επιτιθει μηδε κοινωνει αμαρτιαις αλλοτριαις σεαυτον αγνον τηρει
Α΄ Τιμόθεο 5:23
μηκετι υδροποτει αλλ οινω ολιγω χρω δια τον στομαχον σου και τας πυκνας σου ασθενειας
Α΄ Τιμόθεο 5:24
τινων ανθρωπων αι αμαρτιαι προδηλοι εισιν προαγουσαι εις κρισιν τισιν δε και επακολουθουσιν
Α΄ Τιμόθεο 5:25
ωσαυτως και τα καλα εργα προδηλα εστιν και τα αλλως εχοντα κρυβηναι ου δυναται