Α΄ Θεσσαλονικείς 5:1
περι δε των χρονων και των καιρων αδελφοι ου χρειαν εχετε υμιν γραφεσθαι
Α΄ Θεσσαλονικείς 5:2
αυτοι γαρ ακριβως οιδατε οτι η ημερα κυριου ως κλεπτης εν νυκτι ουτως ερχεται
Α΄ Θεσσαλονικείς 5:3
οταν γαρ λεγωσιν ειρηνη και ασφαλεια τοτε αιφνιδιος αυτοις εφισταται ολεθρος ωσπερ η ωδιν τη εν γαστρι εχουση και ου μη εκφυγωσιν
Α΄ Θεσσαλονικείς 5:4
υμεις δε αδελφοι ουκ εστε εν σκοτει ινα η ημερα υμας ως κλεπτης καταλαβη
Α΄ Θεσσαλονικείς 5:5
παντες υμεις υιοι φωτος εστε και υιοι ημερας ουκ εσμεν νυκτος ουδε σκοτους
Α΄ Θεσσαλονικείς 5:6
αρα ουν μη καθευδωμεν ως και οι λοιποι αλλα γρηγορωμεν και νηφωμεν
Α΄ Θεσσαλονικείς 5:7
οι γαρ καθευδοντες νυκτος καθευδουσιν και οι μεθυσκομενοι νυκτος μεθυουσιν
Α΄ Θεσσαλονικείς 5:8
ημεις δε ημερας οντες νηφωμεν ενδυσαμενοι θωρακα πιστεως και αγαπης και περικεφαλαιαν ελπιδα σωτηριας
Α΄ Θεσσαλονικείς 5:9
οτι ουκ εθετο ημας ο θεος εις οργην αλλ εις περιποιησιν σωτηριας δια του κυριου ημων ιησου χριστου
Α΄ Θεσσαλονικείς 5:10
του αποθανοντος υπερ ημων ινα ειτε γρηγορωμεν ειτε καθευδωμεν αμα συν αυτω ζησωμεν
Α΄ Θεσσαλονικείς 5:11
διο παρακαλειτε αλληλους και οικοδομειτε εις τον ενα καθως και ποιειτε
Α΄ Θεσσαλονικείς 5:12
ερωτωμεν δε υμας αδελφοι ειδεναι τους κοπιωντας εν υμιν και προισταμενους υμων εν κυριω και νουθετουντας υμας
Α΄ Θεσσαλονικείς 5:13
και ηγεισθαι αυτους υπερ εκπερισσου εν αγαπη δια το εργον αυτων ειρηνευετε εν εαυτοις
Α΄ Θεσσαλονικείς 5:14
παρακαλουμεν δε υμας αδελφοι νουθετειτε τους ατακτους παραμυθεισθε τους ολιγοψυχους αντεχεσθε των ασθενων μακροθυμειτε προς παντας
Α΄ Θεσσαλονικείς 5:15
ορατε μη τις κακον αντι κακου τινι αποδω αλλα παντοτε το αγαθον διωκετε και εις αλληλους και εις παντας
Α΄ Θεσσαλονικείς 5:16
παντοτε χαιρετε
Α΄ Θεσσαλονικείς 5:17
αδιαλειπτως προσευχεσθε
Α΄ Θεσσαλονικείς 5:18
εν παντι ευχαριστειτε τουτο γαρ θελημα θεου εν χριστω ιησου εις υμας
Α΄ Θεσσαλονικείς 5:19
το πνευμα μη σβεννυτε
Α΄ Θεσσαλονικείς 5:20
προφητειας μη εξουθενειτε
Α΄ Θεσσαλονικείς 5:21
παντα δοκιμαζετε το καλον κατεχετε
Α΄ Θεσσαλονικείς 5:22
απο παντος ειδους πονηρου απεχεσθε
Α΄ Θεσσαλονικείς 5:23
αυτος δε ο θεος της ειρηνης αγιασαι υμας ολοτελεις και ολοκληρον υμων το πνευμα και η ψυχη και το σωμα αμεμπτως εν τη παρουσια του κυριου ημων ιησου χριστου τηρηθειη
Α΄ Θεσσαλονικείς 5:24
πιστος ο καλων υμας ος και ποιησει
Α΄ Θεσσαλονικείς 5:25
αδελφοι προσευχεσθε περι ημων
Α΄ Θεσσαλονικείς 5:26
ασπασασθε τους αδελφους παντας εν φιληματι αγιω
Α΄ Θεσσαλονικείς 5:27
ορκιζω υμας τον κυριον αναγνωσθηναι την επιστολην πασιν τοις αγιοις αδελφοις
Α΄ Θεσσαλονικείς 5:28
η χαρις του κυριου ημων ιησου χριστου μεθ υμων αμην [προς θεσσαλονικεις πρωτη εγραφη απο αθηνων]