Κολοσσαείς 3:1
ει ουν συνηγερθητε τω χριστω τα ανω ζητειτε ου ο χριστος εστιν εν δεξια του θεου καθημενος
Κολοσσαείς 3:2
τα ανω φρονειτε μη τα επι της γης
Κολοσσαείς 3:3
απεθανετε γαρ και η ζωη υμων κεκρυπται συν τω χριστω εν τω θεω
Κολοσσαείς 3:4
οταν ο χριστος φανερωθη η ζωη ημων τοτε και υμεις συν αυτω φανερωθησεσθε εν δοξη
Κολοσσαείς 3:5
νεκρωσατε ουν τα μελη υμων τα επι της γης πορνειαν ακαθαρσιαν παθος επιθυμιαν κακην και την πλεονεξιαν ητις εστιν ειδωλολατρεια
Κολοσσαείς 3:6
δι α ερχεται η οργη του θεου επι τους υιους της απειθειας
Κολοσσαείς 3:7
εν οις και υμεις περιεπατησατε ποτε οτε εζητε εν αυτοις
Κολοσσαείς 3:8
νυνι δε αποθεσθε και υμεις τα παντα οργην θυμον κακιαν βλασφημιαν αισχρολογιαν εκ του στοματος υμων
Κολοσσαείς 3:9
μη ψευδεσθε εις αλληλους απεκδυσαμενοι τον παλαιον ανθρωπον συν ταις πραξεσιν αυτου
Κολοσσαείς 3:10
και ενδυσαμενοι τον νεον τον ανακαινουμενον εις επιγνωσιν κατ εικονα του κτισαντος αυτον
Κολοσσαείς 3:11
οπου ουκ ενι ελλην και ιουδαιος περιτομη και ακροβυστια βαρβαρος σκυθης δουλος ελευθερος αλλα τα παντα και εν πασιν χριστος
Κολοσσαείς 3:12
ενδυσασθε ουν ως εκλεκτοι του θεου αγιοι και ηγαπημενοι σπλαγχνα οικτιρμων χρηστοτητα ταπεινοφροσυνην πραοτητα μακροθυμιαν
Κολοσσαείς 3:13
ανεχομενοι αλληλων και χαριζομενοι εαυτοις εαν τις προς τινα εχη μομφην καθως και ο χριστος εχαρισατο υμιν ουτως και υμεις
Κολοσσαείς 3:14
επι πασιν δε τουτοις την αγαπην ητις εστιν συνδεσμος της τελειοτητος
Κολοσσαείς 3:15
και η ειρηνη του θεου βραβευετω εν ταις καρδιαις υμων εις ην και εκληθητε εν ενι σωματι και ευχαριστοι γινεσθε
Κολοσσαείς 3:16
ο λογος του χριστου ενοικειτω εν υμιν πλουσιως εν παση σοφια διδασκοντες και νουθετουντες εαυτους ψαλμοις και υμνοις και ωδαις πνευματικαις εν χαριτι αδοντες εν τη καρδια υμων τω κυριω
Κολοσσαείς 3:17
και παν ο τι αν ποιητε εν λογω η εν εργω παντα εν ονοματι κυριου ιησου ευχαριστουντες τω θεω και πατρι δι αυτου
Κολοσσαείς 3:18
αι γυναικες υποτασσεσθε τοις ιδιοις ανδρασιν ως ανηκεν εν κυριω
Κολοσσαείς 3:19
οι ανδρες αγαπατε τας γυναικας και μη πικραινεσθε προς αυτας
Κολοσσαείς 3:20
τα τεκνα υπακουετε τοις γονευσιν κατα παντα τουτο γαρ εστιν ευαρεστον τω κυριω
Κολοσσαείς 3:21
οι πατερες μη ερεθιζετε τα τεκνα υμων ινα μη αθυμωσιν
Κολοσσαείς 3:22
οι δουλοι υπακουετε κατα παντα τοις κατα σαρκα κυριοις μη εν οφθαλμοδουλειαις ως ανθρωπαρεσκοι αλλ εν απλοτητι καρδιας φοβουμενοι τον θεον
Κολοσσαείς 3:23
και παν ο τι εαν ποιητε εκ ψυχης εργαζεσθε ως τω κυριω και ουκ ανθρωποις
Κολοσσαείς 3:24
ειδοτες οτι απο κυριου αποληψεσθε την ανταποδοσιν της κληρονομιας τω γαρ κυριω χριστω δουλευετε
Κολοσσαείς 3:25
ο δε αδικων κομιειται ο ηδικησεν και ουκ εστιν προσωποληψια