Β΄ Κορινθίους 11:1
οφελον ανειχεσθε μου μικρον τη αφροσυνη αλλα και ανεχεσθε μου
Β΄ Κορινθίους 11:2
ζηλω γαρ υμας θεου ζηλω ηρμοσαμην γαρ υμας ενι ανδρι παρθενον αγνην παραστησαι τω χριστω
Β΄ Κορινθίους 11:3
φοβουμαι δε μηπως ως ο οφις ευαν εξηπατησεν εν τη πανουργια αυτου ουτως φθαρη τα νοηματα υμων απο της απλοτητος της εις τον χριστον
Β΄ Κορινθίους 11:4
ει μεν γαρ ο ερχομενος αλλον ιησουν κηρυσσει ον ουκ εκηρυξαμεν η πνευμα ετερον λαμβανετε ο ουκ ελαβετε η ευαγγελιον ετερον ο ουκ εδεξασθε καλως ηνειχεσθε
Β΄ Κορινθίους 11:5
λογιζομαι γαρ μηδεν υστερηκεναι των υπερ λιαν αποστολων
Β΄ Κορινθίους 11:6
ει δε και ιδιωτης τω λογω αλλ ου τη γνωσει αλλ εν παντι φανερωθεντες εν πασιν εις υμας
Β΄ Κορινθίους 11:7
η αμαρτιαν εποιησα εμαυτον ταπεινων ινα υμεις υψωθητε οτι δωρεαν το του θεου ευαγγελιον ευηγγελισαμην υμιν
Β΄ Κορινθίους 11:8
αλλας εκκλησιας εσυλησα λαβων οψωνιον προς την υμων διακονιαν
Β΄ Κορινθίους 11:9
και παρων προς υμας και υστερηθεις ου κατεναρκησα ουδενος το γαρ υστερημα μου προσανεπληρωσαν οι αδελφοι ελθοντες απο μακεδονιας και εν παντι αβαρη υμιν εμαυτον ετηρησα και τηρησω
Β΄ Κορινθίους 11:10
εστιν αληθεια χριστου εν εμοι οτι η καυχησις αυτη ου σφραγισεται εις εμε εν τοις κλιμασιν της αχαιας
Β΄ Κορινθίους 11:11
δια τι οτι ουκ αγαπω υμας ο θεος οιδεν
Β΄ Κορινθίους 11:12
ο δε ποιω και ποιησω ινα εκκοψω την αφορμην των θελοντων αφορμην ινα εν ω καυχωνται ευρεθωσιν καθως και ημεις
Β΄ Κορινθίους 11:13
οι γαρ τοιουτοι ψευδαποστολοι εργαται δολιοι μετασχηματιζομενοι εις αποστολους χριστου
Β΄ Κορινθίους 11:14
και ου θαυμαστον αυτος γαρ ο σατανας μετασχηματιζεται εις αγγελον φωτος
Β΄ Κορινθίους 11:15
ου μεγα ουν ει και οι διακονοι αυτου μετασχηματιζονται ως διακονοι δικαιοσυνης ων το τελος εσται κατα τα εργα αυτων
Β΄ Κορινθίους 11:16
παλιν λεγω μη τις με δοξη αφρονα ειναι ει δε μηγε καν ως αφρονα δεξασθε με ινα μικρον τι καγω καυχησωμαι
Β΄ Κορινθίους 11:17
ο λαλω ου λαλω κατα κυριον αλλ ως εν αφροσυνη εν ταυτη τη υποστασει της καυχησεως
Β΄ Κορινθίους 11:18
επει πολλοι καυχωνται κατα την σαρκα καγω καυχησομαι
Β΄ Κορινθίους 11:19
ηδεως γαρ ανεχεσθε των αφρονων φρονιμοι οντες
Β΄ Κορινθίους 11:20
ανεχεσθε γαρ ει τις υμας καταδουλοι ει τις κατεσθιει ει τις λαμβανει ει τις επαιρεται ει τις υμας εις προσωπον δερει
Β΄ Κορινθίους 11:21
κατα ατιμιαν λεγω ως οτι ημεις ησθενησαμεν εν ω δ αν τις τολμα εν αφροσυνη λεγω τολμω καγω
Β΄ Κορινθίους 11:22
εβραιοι εισιν καγω ισραηλιται εισιν καγω σπερμα αβρααμ εισιν καγω
Β΄ Κορινθίους 11:23
διακονοι χριστου εισιν παραφρονων λαλω υπερ εγω εν κοποις περισσοτερως εν πληγαις υπερβαλλοντως εν φυλακαις περισσοτερως εν θανατοις πολλακις
Β΄ Κορινθίους 11:24
υπο ιουδαιων πεντακις τεσσαρακοντα παρα μιαν ελαβον
Β΄ Κορινθίους 11:25
τρις ερραβδισθην απαξ ελιθασθην τρις εναυαγησα νυχθημερον εν τω βυθω πεποιηκα
Β΄ Κορινθίους 11:26
οδοιποριαις πολλακις κινδυνοις ποταμων κινδυνοις ληστων κινδυνοις εκ γενους κινδυνοις εξ εθνων κινδυνοις εν πολει κινδυνοις εν ερημια κινδυνοις εν θαλασση κινδυνοις εν ψευδαδελφοις
Β΄ Κορινθίους 11:27
εν κοπω και μοχθω εν αγρυπνιαις πολλακις εν λιμω και διψει εν νηστειαις πολλακις εν ψυχει και γυμνοτητι
Β΄ Κορινθίους 11:28
χωρις των παρεκτος η επισυστασις μου η καθ ημεραν η μεριμνα πασων των εκκλησιων
Β΄ Κορινθίους 11:29
τις ασθενει και ουκ ασθενω τις σκανδαλιζεται και ουκ εγω πυρουμαι
Β΄ Κορινθίους 11:30
ει καυχασθαι δει τα της ασθενειας μου καυχησομαι
Β΄ Κορινθίους 11:31
ο θεος και πατηρ του κυριου ημων ιησου χριστου οιδεν ο ων ευλογητος εις τους αιωνας οτι ου ψευδομαι
Β΄ Κορινθίους 11:32
εν δαμασκω ο εθναρχης αρετα του βασιλεως εφρουρει την δαμασκηνων πολιν πιασαι με θελων
Β΄ Κορινθίους 11:33
και δια θυριδος εν σαργανη εχαλασθην δια του τειχους και εξεφυγον τας χειρας αυτου