Α΄ Κορινθίους 15:1
γνωριζω δε υμιν αδελφοι το ευαγγελιον ο ευηγγελισαμην υμιν ο και παρελαβετε εν ω και εστηκατε
Α΄ Κορινθίους 15:2
δι ου και σωζεσθε τινι λογω ευηγγελισαμην υμιν ει κατεχετε εκτος ει μη εικη επιστευσατε
Α΄ Κορινθίους 15:3
παρεδωκα γαρ υμιν εν πρωτοις ο και παρελαβον οτι χριστος απεθανεν υπερ των αμαρτιων ημων κατα τας γραφας
Α΄ Κορινθίους 15:4
και οτι εταφη και οτι εγηγερται τη τριτη ημερα κατα τας γραφας
Α΄ Κορινθίους 15:5
και οτι ωφθη κηφα ειτα τοις δωδεκα
Α΄ Κορινθίους 15:6
επειτα ωφθη επανω πεντακοσιοις αδελφοις εφαπαξ εξ ων οι πλειους μενουσιν εως αρτι τινες δε και εκοιμηθησαν
Α΄ Κορινθίους 15:7
επειτα ωφθη ιακωβω ειτα τοις αποστολοις πασιν
Α΄ Κορινθίους 15:8
εσχατον δε παντων ωσπερει τω εκτρωματι ωφθη καμοι
Α΄ Κορινθίους 15:9
εγω γαρ ειμι ο ελαχιστος των αποστολων ος ουκ ειμι ικανος καλεισθαι αποστολος διοτι εδιωξα την εκκλησιαν του θεου
Α΄ Κορινθίους 15:10
χαριτι δε θεου ειμι ο ειμι και η χαρις αυτου η εις εμε ου κενη εγενηθη αλλα περισσοτερον αυτων παντων εκοπιασα ουκ εγω δε αλλ η χαρις του θεου η συν εμοι
Α΄ Κορινθίους 15:11
ειτε ουν εγω ειτε εκεινοι ουτως κηρυσσομεν και ουτως επιστευσατε
Α΄ Κορινθίους 15:12
ει δε χριστος κηρυσσεται οτι εκ νεκρων εγηγερται πως λεγουσιν τινες εν υμιν οτι αναστασις νεκρων ουκ εστιν
Α΄ Κορινθίους 15:13
ει δε αναστασις νεκρων ουκ εστιν ουδε χριστος εγηγερται
Α΄ Κορινθίους 15:14
ει δε χριστος ουκ εγηγερται κενον αρα το κηρυγμα ημων κενη δε και η πιστις υμων
Α΄ Κορινθίους 15:15
ευρισκομεθα δε και ψευδομαρτυρες του θεου οτι εμαρτυρησαμεν κατα του θεου οτι ηγειρεν τον χριστον ον ουκ ηγειρεν ειπερ αρα νεκροι ουκ εγειρονται
Α΄ Κορινθίους 15:16
ει γαρ νεκροι ουκ εγειρονται ουδε χριστος εγηγερται
Α΄ Κορινθίους 15:17
ει δε χριστος ουκ εγηγερται ματαια η πιστις υμων ετι εστε εν ταις αμαρτιαις υμων
Α΄ Κορινθίους 15:18
αρα και οι κοιμηθεντες εν χριστω απωλοντο
Α΄ Κορινθίους 15:19
ει εν τη ζωη ταυτη ηλπικοτες εσμεν εν χριστω μονον ελεεινοτεροι παντων ανθρωπων εσμεν
Α΄ Κορινθίους 15:20
νυνι δε χριστος εγηγερται εκ νεκρων απαρχη των κεκοιμημενων εγενετο
Α΄ Κορινθίους 15:21
επειδη γαρ δι ανθρωπου ο θανατος και δι ανθρωπου αναστασις νεκρων
Α΄ Κορινθίους 15:22
ωσπερ γαρ εν τω αδαμ παντες αποθνησκουσιν ουτως και εν τω χριστω παντες ζωοποιηθησονται
Α΄ Κορινθίους 15:23
εκαστος δε εν τω ιδιω ταγματι απαρχη χριστος επειτα οι χριστου εν τη παρουσια αυτου
Α΄ Κορινθίους 15:24
ειτα το τελος οταν παραδω την βασιλειαν τω θεω και πατρι οταν καταργηση πασαν αρχην και πασαν εξουσιαν και δυναμιν
Α΄ Κορινθίους 15:25
δει γαρ αυτον βασιλευειν αχρις ου αν θη παντας τους εχθρους υπο τους ποδας αυτου
Α΄ Κορινθίους 15:26
εσχατος εχθρος καταργειται ο θανατος
Α΄ Κορινθίους 15:27
παντα γαρ υπεταξεν υπο τους ποδας αυτου οταν δε ειπη οτι παντα υποτετακται δηλον οτι εκτος του υποταξαντος αυτω τα παντα
Α΄ Κορινθίους 15:28
οταν δε υποταγη αυτω τα παντα τοτε και αυτος ο υιος υποταγησεται τω υποταξαντι αυτω τα παντα ινα η ο θεος τα παντα εν πασιν
Α΄ Κορινθίους 15:29
επει τι ποιησουσιν οι βαπτιζομενοι υπερ των νεκρων ει ολως νεκροι ουκ εγειρονται τι και βαπτιζονται υπερ των νεκρων
Α΄ Κορινθίους 15:30
τι και ημεις κινδυνευομεν πασαν ωραν
Α΄ Κορινθίους 15:31
καθ ημεραν αποθνησκω νη την ημετεραν καυχησιν ην εχω εν χριστω ιησου τω κυριω ημων
Α΄ Κορινθίους 15:32
ει κατα ανθρωπον εθηριομαχησα εν εφεσω τι μοι το οφελος ει νεκροι ουκ εγειρονται φαγωμεν και πιωμεν αυριον γαρ αποθνησκομεν
Α΄ Κορινθίους 15:33
μη πλανασθε φθειρουσιν ηθη χρησθ ομιλιαι κακαι
Α΄ Κορινθίους 15:34
εκνηψατε δικαιως και μη αμαρτανετε αγνωσιαν γαρ θεου τινες εχουσιν προς εντροπην υμιν λεγω
Α΄ Κορινθίους 15:35
αλλ ερει τις πως εγειρονται οι νεκροι ποιω δε σωματι ερχονται
Α΄ Κορινθίους 15:36
αφρον συ ο σπειρεις ου ζωοποιειται εαν μη αποθανη
Α΄ Κορινθίους 15:37
και ο σπειρεις ου το σωμα το γενησομενον σπειρεις αλλα γυμνον κοκκον ει τυχοι σιτου η τινος των λοιπων
Α΄ Κορινθίους 15:38
ο δε θεος αυτω διδωσιν σωμα καθως ηθελησεν και εκαστω των σπερματων το ιδιον σωμα
Α΄ Κορινθίους 15:39
ου πασα σαρξ η αυτη σαρξ αλλα αλλη μεν σαρξ ανθρωπων αλλη δε σαρξ κτηνων αλλη δε ιχθυων αλλη δε πτηνων
Α΄ Κορινθίους 15:40
και σωματα επουρανια και σωματα επιγεια αλλ ετερα μεν η των επουρανιων δοξα ετερα δε η των επιγειων
Α΄ Κορινθίους 15:41
αλλη δοξα ηλιου και αλλη δοξα σεληνης και αλλη δοξα αστερων αστηρ γαρ αστερος διαφερει εν δοξη
Α΄ Κορινθίους 15:42
ουτως και η αναστασις των νεκρων σπειρεται εν φθορα εγειρεται εν αφθαρσια
Α΄ Κορινθίους 15:43
σπειρεται εν ατιμια εγειρεται εν δοξη σπειρεται εν ασθενεια εγειρεται εν δυναμει
Α΄ Κορινθίους 15:44
σπειρεται σωμα ψυχικον εγειρεται σωμα πνευματικον εστιν σωμα ψυχικον και εστιν σωμα πνευματικον
Α΄ Κορινθίους 15:45
ουτως και γεγραπται εγενετο ο πρωτος ανθρωπος αδαμ εις ψυχην ζωσαν ο εσχατος αδαμ εις πνευμα ζωοποιουν
Α΄ Κορινθίους 15:46
αλλ ου πρωτον το πνευματικον αλλα το ψυχικον επειτα το πνευματικον
Α΄ Κορινθίους 15:47
ο πρωτος ανθρωπος εκ γης χοικος ο δευτερος ανθρωπος ο κυριος εξ ουρανου
Α΄ Κορινθίους 15:48
οιος ο χοικος τοιουτοι και οι χοικοι και οιος ο επουρανιος τοιουτοι και οι επουρανιοι
Α΄ Κορινθίους 15:49
και καθως εφορεσαμεν την εικονα του χοικου φορεσομεν και την εικονα του επουρανιου
Α΄ Κορινθίους 15:50
τουτο δε φημι αδελφοι οτι σαρξ και αιμα βασιλειαν θεου κληρονομησαι ου δυνανται ουδε η φθορα την αφθαρσιαν κληρονομει
Α΄ Κορινθίους 15:51
ιδου μυστηριον υμιν λεγω παντες μεν ου κοιμηθησομεθα παντες δε αλλαγησομεθα
Α΄ Κορινθίους 15:52
εν ατομω εν ριπη οφθαλμου εν τη εσχατη σαλπιγγι σαλπισει γαρ και οι νεκροι εγερθησονται αφθαρτοι και ημεις αλλαγησομεθα
Α΄ Κορινθίους 15:53
δει γαρ το φθαρτον τουτο ενδυσασθαι αφθαρσιαν και το θνητον τουτο ενδυσασθαι αθανασιαν
Α΄ Κορινθίους 15:54
οταν δε το φθαρτον τουτο ενδυσηται αφθαρσιαν και το θνητον τουτο ενδυσηται αθανασιαν τοτε γενησεται ο λογος ο γεγραμμενος κατεποθη ο θανατος εις νικος
Α΄ Κορινθίους 15:55
που σου θανατε το κεντρον που σου αδη το νικος
Α΄ Κορινθίους 15:56
το δε κεντρον του θανατου η αμαρτια η δε δυναμις της αμαρτιας ο νομος
Α΄ Κορινθίους 15:57
τω δε θεω χαρις τω διδοντι ημιν το νικος δια του κυριου ημων ιησου χριστου
Α΄ Κορινθίους 15:58
ωστε αδελφοι μου αγαπητοι εδραιοι γινεσθε αμετακινητοι περισσευοντες εν τω εργω του κυριου παντοτε ειδοτες οτι ο κοπος υμων ουκ εστιν κενος εν κυριω