Α΄ Κορινθίους 3:1
και εγω αδελφοι ουκ ηδυνηθην υμιν λαλησαι ως πνευματικοις αλλ ως σαρκικοις ως νηπιοις εν χριστω
Α΄ Κορινθίους 3:2
γαλα υμας εποτισα και ου βρωμα ουπω γαρ ηδυνασθε αλλ ουτε ετι νυν δυνασθε
Α΄ Κορινθίους 3:3
ετι γαρ σαρκικοι εστε οπου γαρ εν υμιν ζηλος και ερις και διχοστασιαι ουχι σαρκικοι εστε και κατα ανθρωπον περιπατειτε
Α΄ Κορινθίους 3:4
οταν γαρ λεγη τις εγω μεν ειμι παυλου ετερος δε εγω απολλω ουχι σαρκικοι εστε
Α΄ Κορινθίους 3:5
τις ουν εστιν παυλος τις δε απολλως αλλ η διακονοι δι ων επιστευσατε και εκαστω ως ο κυριος εδωκεν
Α΄ Κορινθίους 3:6
εγω εφυτευσα απολλως εποτισεν αλλ ο θεος ηυξανεν
Α΄ Κορινθίους 3:7
ωστε ουτε ο φυτευων εστιν τι ουτε ο ποτιζων αλλ ο αυξανων θεος
Α΄ Κορινθίους 3:8
ο φυτευων δε και ο ποτιζων εν εισιν εκαστος δε τον ιδιον μισθον ληψεται κατα τον ιδιον κοπον
Α΄ Κορινθίους 3:9
θεου γαρ εσμεν συνεργοι θεου γεωργιον θεου οικοδομη εστε
Α΄ Κορινθίους 3:10
κατα την χαριν του θεου την δοθεισαν μοι ως σοφος αρχιτεκτων θεμελιον τεθεικα αλλος δε εποικοδομει εκαστος δε βλεπετω πως εποικοδομει
Α΄ Κορινθίους 3:11
θεμελιον γαρ αλλον ουδεις δυναται θειναι παρα τον κειμενον ος εστιν ιησους χριστος
Α΄ Κορινθίους 3:12
ει δε τις εποικοδομει επι τον θεμελιον τουτον χρυσον αργυρον λιθους τιμιους ξυλα χορτον καλαμην
Α΄ Κορινθίους 3:13
εκαστου το εργον φανερον γενησεται η γαρ ημερα δηλωσει οτι εν πυρι αποκαλυπτεται και εκαστου το εργον οποιον εστιν το πυρ δοκιμασει
Α΄ Κορινθίους 3:14
ει τινος το εργον μενει ο επωκοδομησεν μισθον ληψεται
Α΄ Κορινθίους 3:15
ει τινος το εργον κατακαησεται ζημιωθησεται αυτος δε σωθησεται ουτως δε ως δια πυρος
Α΄ Κορινθίους 3:16
ουκ οιδατε οτι ναος θεου εστε και το πνευμα του θεου οικει εν υμιν
Α΄ Κορινθίους 3:17
ει τις τον ναον του θεου φθειρει φθερει τουτον ο θεος ο γαρ ναος του θεου αγιος εστιν οιτινες εστε υμεις
Α΄ Κορινθίους 3:18
μηδεις εαυτον εξαπατατω ει τις δοκει σοφος ειναι εν υμιν εν τω αιωνι τουτω μωρος γενεσθω ινα γενηται σοφος
Α΄ Κορινθίους 3:19
η γαρ σοφια του κοσμου τουτου μωρια παρα τω θεω εστιν γεγραπται γαρ ο δρασσομενος τους σοφους εν τη πανουργια αυτων
Α΄ Κορινθίους 3:20
και παλιν κυριος γινωσκει τους διαλογισμους των σοφων οτι εισιν ματαιοι
Α΄ Κορινθίους 3:21
ωστε μηδεις καυχασθω εν ανθρωποις παντα γαρ υμων εστιν
Α΄ Κορινθίους 3:22
ειτε παυλος ειτε απολλως ειτε κηφας ειτε κοσμος ειτε ζωη ειτε θανατος ειτε ενεστωτα ειτε μελλοντα παντα υμων εστιν
Α΄ Κορινθίους 3:23
υμεις δε χριστου χριστος δε θεου