Λουκάς 3:1
εν ετει δε πεντεκαιδεκατω της ηγεμονιας τιβεριου καισαρος ηγεμονευοντος ποντιου πιλατου της ιουδαιας και τετραρχουντος της γαλιλαιας ηρωδου φιλιππου δε του αδελφου αυτου τετραρχουντος της ιτουραιας και τραχωνιτιδος χωρας και λυσανιου της αβιληνης τετραρχουντος
Λουκάς 3:2
επ αρχιερεως αννα και καιαφα εγενετο ρημα θεου επι ιωαννην τον ζαχαριου υιον εν τη ερημω
Λουκάς 3:3
και ηλθεν εις πασαν την περιχωρον του ιορδανου κηρυσσων βαπτισμα μετανοιας εις αφεσιν αμαρτιων
Λουκάς 3:4
ως γεγραπται εν βιβλω λογων ησαιου του προφητου λεγοντος φωνη βοωντος εν τη ερημω ετοιμασατε την οδον κυριου ευθειας ποιειτε τας τριβους αυτου
Λουκάς 3:5
πασα φαραγξ πληρωθησεται και παν ορος και βουνος ταπεινωθησεται και εσται τα σκολια εις ευθειαν και αι τραχειαι εις οδους λειας
Λουκάς 3:6
και οψεται πασα σαρξ το σωτηριον του θεου
Λουκάς 3:7
ελεγεν ουν τοις εκπορευομενοις οχλοις βαπτισθηναι υπ αυτου γεννηματα εχιδνων τις υπεδειξεν υμιν φυγειν απο της μελλουσης οργης
Λουκάς 3:8
ποιησατε ουν καρπους αξιους της μετανοιας και μη αρξησθε λεγειν εν εαυτοις πατερα εχομεν τον αβρααμ λεγω γαρ υμιν οτι δυναται ο θεος εκ των λιθων τουτων εγειραι τεκνα τω αβρααμ
Λουκάς 3:9
ηδη δε και η αξινη προς την ριζαν των δενδρων κειται παν ουν δενδρον μη ποιουν καρπον καλον εκκοπτεται και εις πυρ βαλλεται
Λουκάς 3:10
και επηρωτων αυτον οι οχλοι λεγοντες τι ουν ποιησομεν
Λουκάς 3:11
αποκριθεις δε λεγει αυτοις ο εχων δυο χιτωνας μεταδοτω τω μη εχοντι και ο εχων βρωματα ομοιως ποιειτω
Λουκάς 3:12
ηλθον δε και τελωναι βαπτισθηναι και ειπον προς αυτον διδασκαλε τι ποιησομεν
Λουκάς 3:13
ο δε ειπεν προς αυτους μηδεν πλεον παρα το διατεταγμενον υμιν πρασσετε
Λουκάς 3:14
επηρωτων δε αυτον και στρατευομενοι λεγοντες και ημεις τι ποιησομεν και ειπεν προς αυτους μηδενα συκοφαντησητε μηδε διασεισητε και αρκεισθε τοις οψωνιοις υμων
Λουκάς 3:15
προσδοκωντος δε του λαου και διαλογιζομενων παντων εν ταις καρδιαις αυτων περι του ιωαννου μηποτε αυτος ειη ο χριστος
Λουκάς 3:16
απεκρινατο ο ιωαννης απασιν λεγων εγω μεν υδατι βαπτιζω υμας ερχεται δε ο ισχυροτερος μου ου ουκ ειμι ικανος λυσαι τον ιμαντα των υποδηματων αυτου αυτος υμας βαπτισει εν πνευματι αγιω και πυρι
Λουκάς 3:17
ου το πτυον εν τη χειρι αυτου και διακαθαριει την αλωνα αυτου και συναξει τον σιτον εις την αποθηκην αυτου το δε αχυρον κατακαυσει πυρι ασβεστω
Λουκάς 3:18
πολλα μεν ουν και ετερα παρακαλων ευηγγελιζετο τον λαον
Λουκάς 3:19
ο δε ηρωδης ο τετραρχης ελεγχομενος υπ αυτου περι ηρωδιαδος της γυναικος του αδελφου αυτου και περι παντων ων εποιησεν πονηρων ο ηρωδης
Λουκάς 3:20
προσεθηκεν και τουτο επι πασιν και κατεκλεισεν τον ιωαννην εν τη φυλακη
Λουκάς 3:21
εγενετο δε εν τω βαπτισθηναι απαντα τον λαον και ιησου βαπτισθεντος και προσευχομενου ανεωχθηναι τον ουρανον
Λουκάς 3:22
και καταβηναι το πνευμα το αγιον σωματικω ειδει ωσει περιστεραν επ αυτον και φωνην εξ ουρανου γενεσθαι λεγουσαν συ ει ο υιος μου ο αγαπητος εν σοι ευδοκησα
Λουκάς 3:23
και αυτος ην ο ιησους ωσει ετων τριακοντα αρχομενος ων ως ενομιζετο υιος ιωσηφ του ηλι
Λουκάς 3:24
του ματθαν του λευι του μελχι του ιωαννα του ιωσηφ
Λουκάς 3:25
του ματταθιου του αμως του ναουμ του εσλιμ του ναγγαι
Λουκάς 3:26
του μααθ του ματταθιου του σεμευ του ιωσηχ του ιωδα
Λουκάς 3:27
του ιωανναν του ρησα του ζοροβαβελ του σαλαθιηλ του νηρι
Λουκάς 3:28
του μελχι του αδδι του κωσαμ του ελμωδαμ του ηρ
Λουκάς 3:29
του ιωση του ελιεζερ του ιωρειμ του ματθατ του λευι
Λουκάς 3:30
του συμεων του ιουδα του ιωσηφ του ιωνα του ελιακειμ
Λουκάς 3:31
του μελεα του μαιναν του ματταθα του ναθαν του δαυιδ
Λουκάς 3:32
του ιεσσαι του ωβηδ του βοοζ του σαλμων του ναασσων
Λουκάς 3:33
του αμιναδαβ του αραμ του ιωραμ του εσρωμ του φαρες του ιουδα
Λουκάς 3:34
του ιακωβ του ισαακ του αβρααμ του θαρα του ναχωρ
Λουκάς 3:35
του σερουχ του ραγαυ του φαλεκ του εβερ του σαλα
Λουκάς 3:36
του καιναν του αρφαξαδ του σημ του νωε του λαμεχ
Λουκάς 3:37
του μαθουσαλα του ενωχ του ιαρεδ του μαλελεηλ του καιναν
Λουκάς 3:38
του ενως του σηθ του αδαμ του θεου